కథా కాలక్షేపం:: ఏప్రిల్ 2019

5, ఏప్రిల్ 2019, శుక్రవారం

మిత్రులందరికీ ఉగాది శుభాకాంక్షలతో

అనివార్య కారణాల వలన ఈ బ్లాగు పొస్టింగ్స్ లో ఆలశ్యం జరుగుతోంది......త్వరలోనే మంచి మంచి కథలు, నవలలతో మీ ముందుకు వస్తాను.

మీ
ఆనందమయ

దీనికి సబ్‌స్క్రయిబ్ చేయి: పోస్ట్‌లు (Atom)

రాబోవు పోస్టులు

1) నిద్రలేని రాత్రులు…(సీరియల్)

కష్టాలు శాశ్వతం కావు…క్షణకాలం కష్టాలకు కుమిలి పోయి ఆత్మహత్యలు చేసుకుంటున్న వారికోసం ఈ నిజ జీవత గాధ ఆదర్శం కాగలదు.

కొన్ని రకాల కష్టాలకు మానవుని యొక్క ప్రవర్తనే కారణంగా ఉంటుంది. వారు చేసుకున్న కొన్ని చేష్టల ప్రతిఫలం బహుశా వారు దారికి తిరిగి రావచ్చేమోనని కూడా ఈ విధంగా జరిగుండచ్చు.

మానవుని చర్యలు మరియు అతని బాహ్యప్రపంచానికి మధ్య లోతైన సంబంధం ఉంది.

కష్టాలు వస్తున్నాయి అంటే కాలం పరిక్షిస్తోందని అర్థం. ఇంకేదో మంచి జరగబోతోందని అర్ధం. వాటిని ఎదురుకొని.. పరిష్కరించుకోవాలి. అంతేగాని బాధపడుతూ కష్టాలకు కారణాలను వెతక కూడదు.

ఈ నవలలోని నాయకురాలు సౌందర్య, తన సొంత ప్రవర్తన కారణంగా కష్టాల పాలవుతుంది. ఆ కష్టాలకు కుమిలి పోయి ఆత్మహత్య చేసుకోవటానికి పూనుకుంటుంది.

ఆ సమయంలో ఈ నవలలోని నాయకుడు అనిల్, ఆమెను కాపాడి వేరే దారిలేక తనతో పాటూ తన గదికి తీసుకు వెడతాడు. ఆ రోజు నుండే వాళ్ళిద్దరికీ నిద్రలేని రాత్రులు మొదలవుతాయి.

వాళ్ళిద్దరికీ నిద్రలేని రాత్రులు ఎప్పుడు ముగిసింది? సౌందర్య ఏ ప్రవర్తన వలన కష్టాలకు కుమిలిపోయి ఆత్మహత్యకు పూనుకుంటుంది?

తనకు ఎటువంటి సంబంధమూ లేని ఒక అమ్మాయిని కాపాడి నిద్రలేని రాత్రులను అనిల్ ఎందుకు కొని తెచ్చుకున్నాడు? వీటన్నిటికీ సమాధానం ఈ సీరియల్ మీకు అందిస్తుంది.

2) నిజమైన అభిమానం...(కథ)

అభిమానం అనేది కూడా వెలకట్టలేనిది. కొందరి అభిమానం మధురంగా మనసు మీటుతుంది. మనుష్యులు తన సహ మనుష్యుల మనసుల గెలుచుకోవాలి. కష్టనష్టాల్లో అదుకోవాలి. నేనున్నాంటూ భరోసానివ్వాలి. అప్పుడే ఆ మనిషి పై అభిమానం ఏర్పడుతుంది.

ఒక్కసారి గుండెల్లో ఏర్పడిన అభిమానం వారిని జీవితాంతం వెన్నంటే ఉంటుంది. సందర్భం వచ్చిన ప్రతిసారి తమ అభిమానాన్ని చాటుకుంటారు. అందుకే అది వెలకట్టలేనిది. అలా సహ మనుష్యులకు చేరువైన మనుష్యులు అరుదుగా ఉంటారు. ఈ కథలో చోటు చేసుకున్న ఓ సంఘటన నిజమైన అభిమానం ఎలా ఉంటుందో నిరూపిస్తుంది.

3) సంస్కారం...(కథ)

మనసు మంచి నడవడిని కలిగి ఉండటాన్ని హృదయ సంస్కారం అంటారు. ... కోపం లేకపోవడం, సామరస్యంతో ఉండటం, త్యాగ భావన ఉండటం, అతి ప్రవర్తన లేకుండటం, ఎవరి మనసు నొప్పించకుండా ఉండటం, మానవ సంబంధాలను దెబ్బతీయకపోవడం, ప్రతీకారం లేకుండటం కూడా సంస్కారం క్రిందే వస్తుంది.

ఒక కాలనీకి కొత్తగా వచ్చిన సురేఖ తన సంస్కార ప్రవర్తనతో కొద్ది రోజులలోనే ఆ కాలనీ వాళ్ళ మనసులు గెలుచుకుంటుంది. ముఖ్యంగా పద్మనాభం గారి కుటుంబంతో. దానికి కారణం పద్మనాభం గారి కూతురూ, సురేఖ ఒకే వయసులో ఉండటం. వాళ్ళిద్దరూ మంచి స్నేహితులుగానూ అవుతారు. అలాంటి స్నేహితురాలి పెళ్ళికి పద్మనాభం సురేఖను కూతురు పెళ్ళికి పిలవదు. స్నేహితురాలి పెళ్ళికొసం పిలుపు వస్తుందని ఎదురుచూసిన సురేఖకు ఆశాభంగం ఎదురవుతుంది.