జ్ఞానోదయం: ‘ముక్తి’ (ఆద్యాత్మిక కథ-3)

 

                                                                                     జ్ఞానోదయం: ‘ముక్తి’                                                                                                                                                                   (ఆద్యాత్మిక కథ-3)

సాధువు ఒకరు ఉండేవారు. ఆయన దగ్గరకు చాలామంది వస్తారు. వాళ్ళందరికీ ఆయన చెప్పే ఉపదేశం వినే అలవాటు. అందరికీ ఆలోచన చెప్పి వూరట కల్పిస్తారు.

ఒక రోజు ఆ సాధువు దగ్గరకు ఆలొచన అడగటానికి వచ్చాడు ఒక పిసినారి.

"స్వామీ, నేను ముక్తి పొందటానికి దారి చెప్పండి..." అన్నాడు.

“ఇదిగో చూడు నాయనా, ముక్తి పొందాలంటే మహాత్ములు, శాస్త్రాలూ చూపిన, ధర్మ కార్యాలను చేపట్టాలి. పేదలకు, కష్టపడే వాళ్ళకూ మరియూ ఎవరూ లేని వారికీ సహాయం చేయాలి..." అన్నారు సాధువు.

'ఈ సాధువు చెప్పినట్టు నడుచుకుంటేనే మనకు ముక్తి దొరికేటట్టు ఉంది. కానీ దానికి చాలా ఖర్చు అవుతుందే.  ఖర్చు చేస్తే నాదగ్గర ఉన్నదంతా కరిగిపోతుందే...ఏం చేయాలి?

సరే...ఆయన చెప్పిన ఉపదేశాన్ని తీసుకోలేకపోయినా కనీసం ఎంత చేయగలమో అంత చేద్దాం.  అంత వరకు ముక్తి దొరికితే చాలు...' అని నిర్ణయించుకున్నాడు.

ప్రతి రోజూ పిడికెడు బియ్యం తీసుకుని, దాన్ని ఎవరికైనా దానంగా ఇచ్చేవాడు.

ఇలాగే చేస్తున్న అతను, కొన్ని రోజుల తరువాత తిరిగి ఆ సాధువు దగ్గరకు వెళ్ళాడు.

"ఏమయ్యా, నేను చెప్పినట్టు దానం చేస్తూ వస్తున్నావా?" అని అడిగారు సాధువు.

"అవును స్వామీ...రోజూ, మరిచిపోకుండా ఒక పిడికెడు బియ్యం దానం చేస్తూ వస్తున్నాను..." అంటూ గొప్పగా చెప్పాడు.

అది విన్న సాధువు అతన్ని పొగడతారని, అభినందిస్తారని ఎదురు చూశాడు పిసినారి.

కానీ, సాధువు ఏమీ మాట్లాడకుండా, ఆయన కూర్చున్న చెట్టు అడుగు బాగాన్ని, తన చేతి గోరుతో గీకటం మొదలు పెట్టారు.

అది చూసిన పిసినారి "ఏమిటి స్వామీ, నేను చేసిన దానం గురించి చెప్పాను...మీరు దాని గురించి ఏదీ చెప్పకుండా, చెట్టునూ గీకుతూ ఉన్నారు...?" అని సాధువును అడిగాడు.

"ఏమీ లేదయ్యా...నేను నా గోటితో ఈ చెట్టును నరుకుతున్నాను. నువ్వు కాసేపు మౌనంగా ఉండు..." అన్నారు సాధువు.

"ఏమిటండీ ఇది. చేతి గోటితో ఇంతపెద్ద చెట్టును నరకగలమా? గొడ్డలితో చెయ్యాల్సిన పనిని, మీ గోటితో ఎలా నరకగలరు..." అన్నాడు.

"ఒక పిడికెడు బియ్యాన్ని ఇచ్చేసి, నువ్వు మోక్షానికి వెళ్ళాలని, ముక్తి పొందాలని అనుకునేటప్పుడు, నా వేళ్ళ గోరుతో ఈ పెద్ద చెట్టును నరకాలని నేను అనుకోకూడదా?" అన్నారు సాధువు.

వెంటనే ఆ ఆసామి, తాను చేసిన తప్పు తెలుసుకుని స్పష్టత పొందాడు.

                                               ముక్తి పొందటం అనేది, మామూలు విషయమా?

*************************************************సమాప్తం*****************************************

జ్ఞానోదయం: ‘అందరూ దేవుళ్ళే’ (ఆద్యాత్మిక కథ-2)

 

                                                                            జ్ఞానోదయం: ‘అందరూ దేవుళ్ళే’                                                                                                                                                        (ఆద్యాత్మిక కథ-2)

స్వామి రామదాసు, ఆయన శిష్యుడు తీర్ధయాత్రలకు వెళ్తూ ఉన్నారు.

తెల్లవారు జామున నడవటం మొదలుపెట్టి, ప్రొద్దున పన్నెండు గంటలకు దారిలో ఉన్న గ్రామంలో భిక్షాటన చేసి తింటారు. ఆ తరువాత మరుసటి రోజు పగలు పన్నెండు గంటలకు తరువాత గ్రామంలో భోజనం. ఇలాగే వాళ్ళ తీర్ధయాత్ర నడుస్తున్నది.

ఒక రోజు వారు మిట్ట మధ్యాహ్నం సమయంలో వాళ్ళు ఒక గ్రామానికి చేరుకున్నారు. గ్రామ సరిహద్దులోనే ఒక గుడి కనబడ, అక్కడే ఆగపోయారు.

"గ్రామంలోకి వెళ్ళి భిక్షాటన చేయాలి కదా?" అని అడిగాడు శిష్యుడు.

"వద్దు...మనం జపం చేసి ఇక్కడే ఉందాం భగవంతుడు భొజనానికి ఏర్పాటు చేస్తాడు చూడు..."అన్నారు రామదాసు స్వామి.

గురువుగారి మాటల్లో శిష్యుడికి నమ్మకం లేదు. వేరే దారి లేక రామదాసు గారితో కలిసి, నామ జపం చేయటం ప్రారంభించాడు.

సమయం పోతున్నదే తప్ప, ఎవరూ రాలేదు. ఏ దారి తెలియలేదు. శిష్యుడు ఆకలితో వంకర్లు పోయాడు.

కొద్ది సమయం తరువాత గుడికి వచ్చిన ఒకాయన, వీళ్ళను చూసి "మీకు ఇంకా బిక్ష అవలేదు లాగుంది..." అన్నారు.

"ఇంకా భిక్ష అవలేదు. కానీ ఊరిలోకి వెళ్ళి అడిగే ఆలొచనే లేదు. దేవుడు తానుగా ఎవరినైనా పంపిస్తేనే తినేది అన్న నిర్ణయంలో ఉన్నాము..." అన్నారు రామదాసు.

"భగవంతుడే నన్ను మీ దగ్గరకు పంపించి ఉంటాడని అనుకోండి. సన్యాసులైన మీకు భిక్ష చేసి పెడితే, నాకు చాలా సంతోషం. కానీ నేనేమో జాతిలో బట్టలు కుట్టే వాడిని. నేను గనుక భిక్ష వేస్తే, మీరు ఒప్పుకుంటారా?" అని అడిగారు వచ్చినతను.

"అయ్యా...సన్యాసులమైన మాకు జాతి బేదాలు లేవు. మాకు అందరూ దేవుళ్ళుగానే అనిపిస్తారు. ప్రతి వ్యక్తికీ భిక్ష వేసేది ఆ దేవుడే. కానీ ఆయన తిన్నగా వేయరు. ప్రతినిధితో వేయిస్తాడు. దేశ ప్రజలందరికీ భిక్ష వేసే ప్రతినిధి ఆహారం పండించే రైతు, వాళ్ళు ఏ జాతికి చెందిన వారో ఎవరికైనా తెలుసా? " అన్నారు రామదాసు.

బట్టలు కుట్టే అతను సంతోషం తట్టుకోలేకపోయాడు. స్వామి రామదాసు గారినీ, ఆయన యొక్క శిష్యుడునీ, తన ఇంటికి తీసుకు వెళ్ళి వాళ్ళకు భిక్షమిచ్చాడు.

భిక్ష ముగిసిన తరువాత, గురువు, శిష్యుడు బయలుదేరి తిరిగి గుడికి వెళ్లారు.

"భగవంతుడు ఈ రోజు మనల్ని వెతికి, భోజనం పంపారు చూసావా...మనకి ఇవ్వటానికి ఆలస్యమైనందువలన, భిక్ష ఇవ్వటానికి భగవంతుడు ఇష్టపడటం లేదు అని అనుకోకూడదు..." అన్నారు రామదాసు.

భగవంతుడు మనల్ని కాపాడతాడు; ఎవరినైనా పంపి మన కష్టాలను తీరుస్తాడు!

**************************************************సమాప్తం***************************************

జ్ఞానోదయం: 'మనసూ-రూపమూ!'(ఆద్యాత్మిక కథ-1)

 

                                                                       జ్ఞానోదయం: 'మనసూ-రూపమూ!'                                                                                                                                                       (ఆద్యాత్మిక కథ-1)

ఎంత దైవీక శక్తి, వరం దొరికినా, నువ్వు దేవుని ప్రతినిధియే తప్ప, నువ్వేమీ దేవుడు కాదు అనేది ప్రతి ఒక్కరూ అర్ధం చేసుకోవాలి.

అరణ్యంలో చాలా రోజులుగా తపస్సు చేసుకుంటూ ఉన్నారు ఒక ముని. ఆయనకు ఒక శక్తి వచ్చింది.

ఆయన ముందు ఒక ఎలుక, భయంతో వణుకుతుండటం చూశారు.

దానికి కారణం, తన వెనుక నిలబడున్న పిల్లి అనేది గ్రహించి, తన తపో బలంతో ఆ ఎలుకను, పిల్లిగా మార్చారు.

'ఇకమీదట ఆ ఎలుక, పిల్లిని చూసి భయపడక్కర్లేదు...' అని, అనుకుంటూ కళ్ళు మూసుకున్నారు ఆ ముని.

మరుసటి రోజు ప్రొద్దున కళ్ళు తెరిచి చూసినప్పుడు, నిన్న పిల్లిగా మార్చబడిన ఎలుక, కుక్కను చూసి భయపడి, వణుకుతూ ఉన్నది.

'కుక్కను చూసే కదా ఇది వణుకుతోంది. ఇప్పుడు దీన్ని కూడా ఒక కుక్కగా మారిస్తే సమస్య తీరిపోతుందే...'అని అనుకుని అదేలాగా చేశారు.

మళ్ళీ ఆ మరుసటి రోజు కళ్ళు తెరిచినప్పుడు, ఇప్పుడు ఆ కుక్క కూడా వణుకుతూ ఉండటంతో, ముని యొక్క వెనుక వైపు నక్క ఒకటి నిలబడుంది.

నక్కగా మార్చి నందువలన, ఇకనైనా అది ప్రశాంతంగా ఉంటుందని అనుకున్నారు. ఆ నమ్మకమూ ఎక్కువసేపు నిలబడలేకపోయింది. ఆ నక్క, పులిని చూసి వణుకుతున్నది.

ముని కూడా విసుక్కోకుండా నక్కను, పులిగా మార్చారు.

'ఇక మీదట ఈ పులి దేనికీ భయపడ అవసరంలేదు ' అనుకుని, ప్రశాంతంగా కళ్ళు మూసుకున్నారు.

మరుసటి రోజు ప్రొద్దున మామూలుగా కళ్ళు తెరిచి చూసినప్పుడు, పులి వణుకుతూ ఉన్నది.

మునికి కోపం వచ్చింది. అయినా కానీ పులి దేన్నో చూసి భయపడుతోంది అంటే దానికంటే భయంకరమైన మృగం ఏముంటుందని, తిరిగి వెనక చూశారు. అక్కడ ఒక పిల్లి నిలబడుంది.

ఒక పిల్లిని చూసి ఎలుక భయపడవచ్చు, పులి భయపడ వచ్చా? అప్పుడే మునికి ఒక విషయం అర్ధమయ్యింది.

ప్రారంభంలో ఎలుకగా ఉన్నది, ఒక్కొక్క సారి మారుతూ ఇప్పుడు పులిగా ఉండటం నిజమే. అయినా కానీ రూపం మాత్రమే మారుతూ వస్తోంది కానీ, మనసు అలాగే ఉంది. అందువల్ల ఎదురుగా పిల్లిని చూసిన వెంటనే ఎలుకకే ఉన్న స్వభావమైన భయం వచ్చేసింది.

దీన్ని అర్ధం చేసుకున్న ఆయన వెంటనే ఎలుకగా మార్చి, పిల్లి దగ్గర దొరక కుండా దాన్ని జాగ్రత్తగా కాపాడి, "వెళ్ళు...వెళ్ళి చేరు" అని పంపించారు ముని.

ఇంకొక విషయం కూడా ఆయన అర్ధం చేసుకున్నారు.

ఎంత దైవీక శక్తి వరం దొరికినా, నేను దేవుని ప్రతినిధియే తప్ప, నేనేమీ దేవుడు కాదు అనేది కూడా అర్ధం చేసుకున్నారు ముని.

****************************************************సమాప్తం***********************************************

జ్ఞానోదయం...(కథ)

 

                                                                                    జ్ఞానోదయం                                                                                                                                                                                         (కథ)

“ఏరా ఈ చిన్న ఉద్యోగానికే నీకు కళ్ళు నెత్తికెక్కినయా? రోజూ రెండు మూడు గంటలు పనిచేయలేని వాడివి, రేపు జీవితంలో పైకెలా వస్తావురా? మాటి మాటికీ సెలవు పెట్టి ఏ కొంపలు చుట్టూ తిరుగుతున్నావు? నిన్ను కని పెంచిన పెద్ద వాళ్ళను సంతోషపరచాలనే ఉద్దేశ్యమే లేదా? జీవితంలో పైకొద్దామనే ఆలొచనే లేదా? చచ్చేంతవరకూ ఇలాగే పేదవాడిగా ఉండిపోతావా? మీకందరికీ ఎప్పుడురా జ్ఞానోదయం కలుగుతుంది? ఈ వారం రోజులూ నువ్వు టైముకు రాక నేనెంత అవస్తపడ్డానో తెలుసా?”

ఎవరినీ అనవసరంగా అనుమానించ కూడదు. నిందించకూడదు. ఎవరి కారణాలు వాళ్లకు ఉంటాయి. కారణం ఏమిటో తెలుసుకోకుండా ఎవరి గురించి మనసులో కూడా తప్పుగా అనుకోకూడదు. నువ్వు తప్ప మిగిలిన వారందరూ పనికిమాలిన వారు, బద్దకస్తులు అని పొరపాటున కూడా అనుకోకూడదు.

కొన్ని రోజులుగా టైముకు రాని వాడు, టముకు రాకపోవటానికి చెప్పిన కారణం విన్న తరువాత జ్ఞానోదయం, ఇతరులకు కాదు, మనకే కలగాలి అని తెలుసుకున్న వ్యక్తి ఎవరు?   

అది తెలుసుకోవటానికి ఈ కథను చదవండి. ఈ కథను చదవటానికి ఈ క్రింది లింకుపై క్లిక్ చేయండి:

జ్ఞానోదయం...(కథ) @ కథా కాలక్షేపం-1

****************************************************************************************************