గూఢచర్యం నేరం క్రింద భారత్ లో పాకిస్తాన్ పావురం ఖైదు...(ఆసక్తి)

                                           గూఢచర్యం నేరం క్రింద భారత్ లో పాకిస్తాన్ పావురం ఖైదు                                                                                                                                         (ఆసక్తి) 

గూఢచర్యం నేరంతో భారతదేశంలో పోలీసులు నిర్బంధించిన తన పావురాన్ని తిరిగి పంపాలని డిమాండ్ చేసాడు ఒక పాకిస్తాన్ గ్రామస్తుడు.

పొరుగున ఉన్న పాకిస్తాన్ నుంచి గూఢచారిగా భావిస్తూ అనుమానాస్పద పావురాన్ని పట్టుకున్నట్లు భారతదేశంలో ఏప్రిల్ నెల అధికారులు ప్రకటించారు. ఇప్పుడు ఆ పావురం యజమాని తన పావురాన్ని విడిచిపెట్టాలని డిమాండ్ చేసాడు…

భారతదేశం మరియు పాకిస్తాన్ మధ్య వివాదాస్పద ప్రాంతమైన కాశ్మీర్లో గ్రామస్తులు ఒక ఆదివారం ఈ పావురాన్ని పట్టుకున్నారు.అసాధారణమైన గులాబీ రంగు కలిగి మరియు దాని కాళ్ళ చుట్టూ ఒక వింత కోడ్ ఉన్న రింగ్ కారణంగా ఆ పావురం వెంటనే అక్కడి ప్రజల దృష్టిని ఆకర్షించింది. వారు వెంటనే ప్రాంతీయ పోలీసులను పిలిచారు. పోలీసులు గూఢ చర్యం ఆరోపణలపై పక్షిని అదుపులోకి తీసుకున్నారు. వారు దాని రింగ్లో ఉన్న కోడ్ ను అర్థంచేసుకోవడానికి ప్రయత్నించారు. అప్పుడు ఒక పాకిస్తాన్ గ్రామస్తుడు ఆరోపణలను వివాదం చేయడానికి బయటికి వచ్చాడు. పావురం తనదని మరియు దాని కాలు చుట్టూ ఉన్న ఉంగరంపై ఉన్నది అతని ఫోన్ నంబర్ అని, అది ఎటువంటి విస్తృతమైన కోడ్ కాదని, పక్షికి ఏదైనా జరిగితే అతని ఫోన్ నంబర్ చూసి ఫోన్ చేస్తారని అలా ఉంగరంపై ముద్రించానని చెప్పాడు.

భారతదేశం యొక్క సరిహద్దు భద్రతా దళం "మరొక పాకిస్తాన్ గూఢచారి పావురాన్ని" పట్టుకున్నట్లు ప్రకటించిన తరువాత, డాన్ అనే పాకిస్తాన్ వార్తాపత్రిక పావురం తనదని ఆరోపించిన యజమానిని గుర్తించగలిగింది. వివాదాస్పద కాశ్మీర్ ప్రాంతం సరిహద్దు నుండి కేవలం 4 కిలోమీటర్ల దూరంలో ఉన్న బగ్గా-షకర్ ఘర్ గ్రామానికి చెందిన హబీబ్ ఉల్లా అనే వ్యక్తి ఈద్ జరుపుకునేందుకు, అతను తన కొన్ని పక్షుల రెక్కలను రంగులతో చిత్రించి వాటిని శాంతి, ప్రేమ మరియు సహనానికి చిహ్నంగా విడుదల చేశాడు. వాటిలో ఒకటి భారతదేశంలోకి ఎగిరి గూఢచారి అని ముద్ర వేయించుకుంటుందని అతను ఊహించలేదు.

భారత పాలనలో ఉన్న కాశ్మీర్ ప్రాంతంలోని ఒక మహిళ ఇంట్లో పావురం గాయపడినట్లు, దానిని పట్టుకుని సరిహద్దు భద్రతా దళానికి అప్పగించినట్లు సమాచారం. పాకిస్తాన్ చేసిన గూఢచర్యం ఆపరేషన్ పై దర్యాప్తు చేసిన భారతదేశం ఆ పావురం గూఢచర్యం ఆపరేషన్ లో ఒకటిగా ప్రకటించబడింది. వెంటనే పక్షిని అదుపులోకి తీసుకుని, బోనులో ఉంచారు.

"వలసల సమయంలో పక్షులు అంతర్జాతీయ సరిహద్దుల్లో ఎగురుతున్నప్పటికీ, స్వాధీనం చేసుకున్న పావురం యొక్క శరీరానికి ట్యాగ్ చేయబడిన కోడెడ్ రింగ్ అనుమానం రేకెత్తింది. వలస పక్షులకు అలాంటి ఉంగరాలు లేనందున ఆందోళన కలిగింది" అని భారత పోలీసులు ఒక ప్రముఖ వార్తాపత్రికకు చెప్పారు.

ఇంతలో, హబీబ్ ఉల్లా రింగ్ లో తన ఫోన్ నంబర్ మాత్రమే ఉందని పేర్కొన్నాడు మరియు పావురాన్ని "పూర్తి ప్రోటోకాల్ మరియు తగిన గౌరవంతో" తిరిగి ఇవ్వమని భారత ప్రధాన మంత్రి నరేంద్ర మోడీని కోరుతున్నాడు. అతను మరియు బగ్గా-షకర్ ఘర్  లోని ఇతరులు గత కొన్ని రోజులుగా పావురాన్ని అరెస్టు చేయడాన్ని నిరసిస్తున్నారు, పట్టుబడిన దాని గురించి ప్రత్యేకంగా ఏమీ లేదని రుజువుగా పింక్-పెయింట్ చేసిన పావురాల సేకరణను చూపించారు.

ఆసక్తికరంగా, పాకిస్తాన్ నుండి "గూఢచారి పావురం" అని పిలవబడే పావురాన్ని భారతదేశం స్వాధీనం చేసుకోవడం ఇదే మొదటిసారి కాదు. భారతదేశం-పాకిస్తాన్ సరిహద్దు నుండి నాలుగు కిలోమీటర్ల దూరంలో ఉన్న మన్వాల్ గ్రామంలో 2015 లో ఇదే విధమైన ఒక కేసు వార్తాపత్రికలలో చోటుచేసుకుంది.

Image Credits: To those who took the original photos.

ఇవి కూడా చదవండి:

రాళ్ళే పుస్తకాలు(ఆసక్తి)

ఎవరా తొమ్మిదిమంది?(మిస్టరీ)

******************************************************************************************************