కనిపించి అద్రృశ్యమైన ఏకశిలా స్తంభం...(మిస్టరీ & న్యూస్)

 

                                                           కనిపించి అద్రృశ్యమైన ఏకశిలా స్తంభం                                                                                                                                                      (మిస్టరీ & న్యూస్)

ఇదేదో పురాతణ మర్మ పురాణం కాదు...ఈ మధ్య, అంటే నవంబర్ 18, 2020 న అమెరికా దేశంలోని ఉటా ఎడారిలో అకస్మాత్తుగా కనబడింది, అదృశ్యమైంది తిరిగి మరో దేశంలో కనిపించింది.

                                     ఉటా ఎడారిలో నవంబర్ – 2020 లో  ప్రత్యక్షమైన ఏకశిలా స్తంభం

అమెరికాలోని ఉటా ఎడారిలో కొద్ది రోజుల కిందట ఒక ఏకశిలా స్తంభం ప్రత్యక్షమైంది. అనుకోకుండా కనిపించిన ఈ లోహ స్తంభం ఇక్కడికి ఎప్పుడు ఎలా వచ్చిందో ఎవరికీ అర్థం కాలేదు. ఇదంతా తీవ్ర గందరగోళానికి దారితీస్తోంది.

ఈశాన్య ఉటాలో మారుమూల ప్రాంతంలో కొండ గొర్రెలను లెక్కించుతున్న వన్యప్రాణి విభాగం అధికారులు ఈ అసాధారణ లోహ శిలను గుర్తించారు. లోహంతో చేసిన ఈ శిల రెండు ఎర్ర రాతి గుట్టల మధ్య ఇసుకలో నాటి ఉంది. దాదాపు 10 - 12 అడుగుల పొడవున్న ఈ ఏకశిలను అక్కడ ఎవరు, ఎప్పుడు నాటారనేది అంతుచిక్కలేదు.

"నేను ఎన్నో ఏళ్లుగా ఆ ప్రాంతం పైనుంచే ప్రయాణిస్తున్నా, ఇప్పటి వరకూ అలాంటి వింత వస్తువును చూడలేదు. పెద్ద కొమ్ముల గొర్రెలను హెలికాప్టర్లో నుంచి లెక్కెస్తున్న జీవశాస్త్రవేత్తలు ఆకాశంలో నుంచే దానిని మొదట చూశారు" అని హెలికాప్టర్ పైలెట్ బ్రెట్ హచింగ్స్ కేఎస్ఎల్ టీవీకి చెప్పారు....."వాళ్లు నాతో హెలికాప్టర్ ను వెనక్కు తిప్పమన్నారు. నేను ఎందుకు అని అడిగా. అక్కడ మాకు ఒకటి కనిపించింది, దాన్ని చూడాలి అన్నారని” ఆయన చెప్పారు. దాన్ని అక్కడ ఎవరు పెట్టారో తెలియదని, దీనిపై దర్యాప్తు చేస్తున్నామని స్థానిక అధికారులు తెలిపారు.

ఈలోహ స్థంబాన్ని అక్కడ ఎవరైనా పాతాలంటే కనీసం నలుగురు మనుషులు, ట్రక్కులు, క్రేన్ లు పలురోజులు కావాలి. ఇలా ఒకరోజులో ఆ స్తంభం అక్కడ ప్రత్యక్షమవటం చూసి అక్కడి స్థానిక అధికారులు, బయటపడిన ఆ వార్త చదివిన వాళ్ళూ ఆశ్చర్యపోయారు.   

అది అంతరిక్షం నుంచి అక్కడ పడిందని కొంతమంది, ఇది గ్రహాంతర వాసుల పనే అని మరికొంతమంది వాదనలు వినిపిస్తున్నారు. ఒకవైపు ప్రపంచం అంతా కోవిడ్-19 మహమ్మారి గుప్పిట్లో ఉన్న 2020 సంవత్సరంలో ఇలాంటి వింత వస్తువులు బయట పడటం చెడుకు సూచనగా కనిపిస్తుందని సామాజిక మాధ్యమాల్లో చర్చించుకుంటున్నారు.

                                    ఉటా ఎడారిలో ఏకశిల స్తంభం అదృశ్యమైన చోటు ఇప్పటి పరిస్థితి 

అయితే... గత వారం ఉటా ఎడారిలో కనుగొన్న ఈ అంతుచిక్కని ఏకశిల స్తంభం ఇప్పుడు(వారం రోజుల తరువాత) అదృశ్యమైనట్లు స్థానిక అధికారులు చెబుతున్నారు. అది ఉన్న చోట ఇప్పుడు ఒక రాళ్ల కుప్ప, చిన్న లోహపు ముక్క మాత్రమే మిగిలాయి. 

                అదృశ్యమైనట్లు చెప్పిన ఇరవై నాలుగు గంటలలో రొమేనియాలో కనిపించిన ఏకశిలా స్తంభం

అదృశ్యమైనట్లు చెప్పిన ఇరవై నాలుగు గంటలలో అదేలాంటి ఏకశిల స్తంభం యూరప్‌లోని రొమానియాలో ప్రాచీన కట్టడాలు ఉన్న ప్రాంతంలో కనిపించడం విస్మయానికి గురిచేస్తోంది. రొమేనియాలోని పురాతన కట్టడమైన పెట్రోడోవా డేసియన్‌ కోట నుంచి కొన్ని మీటర్ల దూరంలో ఆ త్రిభుజాకార లోహ స్తంభాన్ని కనుగొన్నారు. అది అమెరికాలోని యుటాలో కనిపించిన ఏకశిలను మాదిరిగా ఉండటం గమనార్హం.

ఇది ప్రస్తుతం ప్రపంచ పరిశోధకులను కలవరపడేలా చేసింది. అసలు ఇది ఎలా జరుగుతోంది, ఎందుకు జరుగుతుందో తెలుసుకునేందుకు వారు పరిశోధనలు ప్రారంభించారు.

అమెరికా దేశంలో కనిపించి, అదృశ్యమైన ఆ ఏకశిల స్తంభం గురించి ఏదైనా ఆచూకీ,చిట్కా, సంకేతం, ఇచ్చేవారికి..7 లక్షల రూపాయలు బహుమతి ఇస్తామని ప్రకటించింది ఒక అంతర్జాల పత్రిక.

Images Credit: To those who took the original photos.

ఇవి కూడా చదవండి:

ఈ సంవత్సరం చివరిలో కరోనాకు తాత్కాలిక వాక్సిన్?(ఆసక్తి)

స్నేహితురాలు(కథ)

************************************************************************************************