మహమ్మారి ముగిసినప్పుడు కోవిడ్ -19 కి ఇదే జరుగుతుంది...(పరిజ్ఞానము/ఆసక్తి)

 

                                                 మహమ్మారి ముగిసినప్పుడు కోవిడ్ -19 కి ఇదే జరుగుతుంది                                                                                                                             (పరిజ్ఞానము/ఆసక్తి)

          మంచి కోసం కోవిడ్-19 ఎప్పటికీ మనకి దూరంగా వెళ్ళకపోవచ్చు. కాలక్రమేణా, మానవులు                                                                              వైరస్‌తో పాటు జీవించడం అలవాటు చేసుకుంటారు.

కోవిడ్-19 మహమ్మారి ఎలా ముగిస్తుందో తెలియక నెలలు గడిచిన తరువాత, ఇప్పుడు మనకు కొన్ని సమాధానాలు ఉన్నాయి. వేగంగా వచ్చిన టీకాలు, ఆ టీకాలు ఊహించిన దాని కంటే మెరుగ్గా పనిచేస్తుండటం చాలా చీకటిగా ఉన్న పొడవైన సొరంగం చివరిలో కనబడిన వెలుతురు--ముగింపు యొక్క ప్రారంభం దృష్టికి వచ్చింది.

కానీ వైరస్ వెళ్ళిపోవటం బహుశా ౙరుగక పోవచ్చు. అది కూడా మంచికే. వీలైనంత ఎక్కువ మందికి టీకాలు వేయటానికి ప్రపంచం పరుగు పెడుతుండటం కోవిడ్ -19 కి వ్యతిరేకంగా జరుగుతున్న పోరాటం కొత్త దశలో ప్రవేశిస్తుంది. అయినప్పటికీ ఇది నాకౌట్ దెబ్బను ఇచ్చే అవకాశం తక్కువ. సుదూర పరుగులో, ప్రపంచ మహమ్మారిగా ప్రారంభమైనది మానవజాతి ఘోరమైన వైరస్‌తో కలిసి జీవించడం నేర్చుకోవటానికి మరొక ఉదాహరణగా మారవచ్చు.

మహమ్మారి ముగింపు అందరికీ ఒకే సమయంలో జరగదు. ప్రపంచ దేశాలు టీకాలను బహిరంగ చేతులతో స్వాగతించగా - UK లో మాత్రమే జనాభాలో ఆరు శాతానికి పైగా కనీసం ఒక మోతాదును పొందారు - ప్రపంచంలోని ఇతర ప్రాంతాలు ఇప్పటికే టీకా రేసులో వెనుకబడి ఉన్నాయి. మహమ్మారి వలన మరణాలు మరియు కేసుల తీవ్రతను భరించినప్పటికీ, మరింత అభివృద్ధి చెందిన దేశాలు ఇప్పటికే టీకాలు వేయడం ప్రారంభించాయి.

అమెరికాలోని నార్త్ కరోలినాలో ఉన్న డ్యూక్ విశ్వవిద్యాలయంలోని గ్లోబల్ హెల్త్ ఇన్నోవేషన్ సెంటర్ సమకూర్చిన గణాంకాల ప్రకారం, అధిక ఆదాయం గల దేశాలు ఇప్పటికే 4.2 బిలియన్ మోతాదుల టీకాను కొనుగోలు చేశాయి. తక్కువ ఆదాయం గల దేశాలు కేవలం 270 మిలియన్ మోతాదుల టీకాను మాత్రమే సాధించింది. ప్రపంచంలోని కొన్ని ధనిక దేశాలు తమ జనాభాను అనేకసార్లు రక్షించుకునేందుకు కావలసిన టీకాను ముందే ఆర్డర్ చేశాయి. తక్కువ ఆదాయం గల దేశాలలో కొంతమంది టీకాలు వేసుకోవడానికి 2023 లేదా 2024 వరకు వేచి ఉండాల్సి ఉంటుంది.

ఒక దేశంలో గుంపు రోగ నిరోధక శక్తిని సాధించడానికి, జనాభాలో 70 శాతం మందికి టీకాలు వేసుకోనుండటం అవసరమని అంచనా వేయబడింది, బహుశా దీనికంటే ఎక్కువ శాతం వేయించుకోవాలేమో. ప్రస్తుతం ఆమోదించబడిన వ్యాక్సిన్లకు అవసరమైన రెండు-మోతాదును పరిగణనలోకి తీసుకుంటే ప్రపంచవ్యాప్తంగా 11 బిలియన్ వ్యాక్సిన్ మోతాదులు అవసరం.

ప్రతి దేశంలోనూ టీకా కార్యక్రమం విజయవంతంగా జరిగే ముగిసే వరకు ఎంతటైము పడుతుంది? బర్మింగ్‌హామ్ విశ్వవిద్యాలయంలో ప్రొఫెసర్ టోబి పీటర్స్ అన్నారు. కోల్డ్ స్టోరేజీ గొలుసులపై పీటర్స్ ఒక నిపుణుడు: తక్కువ ఉష్ణోగ్రతను కొనసాగిస్తూ వ్యాక్సిన్లను తయారీదారు నుండి ప్రజలకు తరలించడానికి కావలసిన రవణా గురించి తెలియజేస్తారు. టీకాలు సున్నితమైనవి: వాటిని నిర్దిష్ట ఉష్ణోగ్రతల వద్ద ఉంచాలి, తరచూ కాంతికి దూరంగా ఉండాలి - ఫైజర్ / బయోఎంటెక్ తయారు చేసిన టీకాలు ప్రత్యేక ఫ్రీజర్‌లలో -70 C వద్ద నిల్వ చేయడం అవసరం. ఆ కోల్డ్ స్టోరేజీ గొలుసులో ఏదైనా సమస్య తల ఎత్తితే టీకాలు నిరుపయోగం అయిపోతాయి.

ప్రధాన సమస్య ఏమిటంటే చాలా తక్కువ మరియు మధ్య-ఆదాయ దేశాలలో టీకాలను చల్లగా ఉంచడానికి నమ్మకమైన విద్యుత్ సరఫరా మరియు మౌలిక సదుపాయాలు లేవు. గ్లోబల్ అలయన్స్ ఫర్ వ్యాక్సిన్స్ అండ్ ఇమ్యునైజేషన్ (గవి) ప్రకారం, పేద దేశాలలో ఆరోగ్య సంరక్షణ సౌకర్యాలలో పది శాతం మాత్రమే నమ్మదగిన విద్యుత్ సరఫరా కలిగి ఉండగా, కొన్ని దేశాలలో ఐదు శాతం కంటే తక్కువ ఆరోగ్య కేంద్రాలలో మాత్రమే టీకా నిల్వకు అనువైన రిఫ్రిజిరేటర్లు ఉన్నాయి.

గవి ఏర్పాటు చేసిన కోవాక్స్ టీకా, ఈ ఏడాది చివరి నాటికి రెండు బిలియన్ టీకాలను తక్కువ మరియు మధ్య-ఆదాయ దేశాలకు అందించాలని యోచిస్తోంది. వారు 2021 చివరి నాటికి పేద దేశాలలో 20 శాతం మందికి టీకాలు వేయాలని లక్ష్యంగా పెట్టుకున్నారు, అయితే ఇది గుంపు రోగనిరోధక శక్తికి అవసరమైన దానికంటే చాలా తక్కువ. ఒకటి లేదా రెండు సంవత్సరాల్లో, అభివృద్ధి చెందిన దేశాలలో ఎక్కువ భాగం వైరస్ నుండి రోగనిరోధక శక్తిని సాధించినప్పటికీ, పేద దేశాలు వెనుకబడి ఉంటాయి.

దీనికి పరిష్కారం “ఈ టీకాలను వీలైనంత వేగంగా తీసుకురావడానికి లాజిస్టిక్స్ వ్యవస్థలను అమర్చడానికి దేశాలతో కలిసి పనిచేయడం” అని పీటర్స్ చెప్పారు. అప్పటి వరకు, కోవిడ్ -19 ఎక్కడో ఒక సమస్యగా మిగిలిపోతుంది. "ఈ నా మొదటి విధానం ప్రపంచంలోని అత్యంత పేద మరియు అత్యంత హానికి గురి అయ్యే వ్యక్తులను ప్రమాదంలో పడేయడమే కాదు, ఇది స్వయం ఓటమి కూడా" అని WHO డైరెక్టర్ జనరల్ టెడ్రోస్ అధనామ్ ఘెబ్రేయేసస్ ఇటీవలి బహిరంగ ప్రసంగంలో అన్నారు. "అంతిమంగా, ఈ చర్యలు కోవిడ్ -19 మహమ్మారిని దీర్ఘకాలానికి ఉండేటట్టు చేస్తాయి.  మహమ్మారిని పరిమితం చేయడానికి అవసరమైన పరిమితులను నిదాన పరుస్తుంది మరియు ఆర్థిక బాధలను పొడిగిస్తుంది"

ప్రపంచంలోని ప్రతిఒక్కరూ వ్యాక్సిన్ తీసుకున్నప్పటికీ, ప్రతి ఒక్కరూ మహమ్మారి నుండి రక్షించబడతారని దీని అర్థం కాదు. వైరస్ ఎలా స్పందిస్తుంది, ఎలాంటి రోగనిరోధక శక్తి టీకాలు ఇస్తాయి మరియు ఆ రోగనిరోధక శక్తి ఎంతకాలం ఉంటుంది అనే దానిపై ఆధారపడి ఉంటుంది.

రోగనిరోధక శక్తి నుండి తప్పించుకోవడానికి వైరస్లు నిరంతరం తమకి తాము అభివృద్ధి చెందుతున్నాయి; ఉదాహరణకు, ఇన్ఫ్లుఎంజా విషయంలో, వైరస్ యొక్క కొత్త జాతులు అంత వేగవంతమైన వేగంతో ఉద్భవిస్తున్నాయి. ప్రతి ఫ్లూ సీజన్‌కు ప్రపంచ దేశాలు కొత్త టీకాలు/మందులు తయారు చేయాలిసి వస్తోంది.

కోవిడ్-19 వైరస్ టీకాలపై దీర్ఘకాలికంగా ఎలా స్పందిస్తుందో  ఊహించడం చాలా కష్టం. కాని లండన్లోని ఇంపీరియల్ కాలేజీలోని ఇమ్యునాలజీ ప్రొఫెసర్ డానీ ఆల్ట్మాన్, మన ప్రస్తుత వ్యాక్సిన్లు ఉన్న రూపంలో వైరస్ అభివృద్ధి చెందే అవకాశం లేదని భావిస్తున్నారు. కోవిడ్-19 ఇన్ఫ్లుఎంజా కంటే నెమ్మదిగా మారుతున్నట్లు అనిపిస్తోంది. "ఇది చాలా మందగించిన వైరస్" అని ఆల్ట్మాన్ చెప్పారు.

కోవిడ్-19 వైరస్ వ్యాక్సిన్లను తప్పించుకోలేకపోవచ్చు - ఎందుకంటే, మీజిల్స్ వ్యాక్సిన్ ద్వారా ప్రేరేపించబడిన రోగనిరోధక శక్తిని అధిగమించగల మీజిల్స్ వైరస్ యొక్క కొత్త రూపాల ఒత్తిడి ఎప్పుడూ బయటపడలేదు. 1960 ల ప్రారంభంలో మొదట అభివృద్ధి చేయబడిన అదే టీకా నేటికీ సమర్థవంతంగా పనిచేస్తుంది.

ఈ వైరస్ల వ్యాప్తి యొక్క వారసత్వం ఎన్నటికీ ఉంటుంది.ఈ జాతుల వారసులు కాలానుగుణ ఫ్లూ జాతిగా మారతారు, ఇది సంవత్సరం, సంవత్సరం  తిరిగి వస్తుంది. కోవిడ్-19 ఒక రోజు వాటితో చేరవచ్చు.

కనుక

టీకా వేసుకున్నా మన లైఫ్ స్టైలులో మార్పులు తెచ్చుకోవాలి. ఆ మార్పు రోజు వారి పనులలో ఒకటైపోవాలి. ఈ మార్పులే మనల్ని రాబోవు వ్యాధుల నుండి  కాపాడతాయి. కోవిడ్-19 వలన మనం నేర్చుకున్న అలవాట్లను నిరంతరం చేయాలి. బయటకు వెళ్ళేటప్పుడు మాస్కు వేసుకోవటం తప్పనిసరి చేసుకోవాలి, ఎవరితో మాట్లాడాలన్నా మాస్క్ లేకుండా మాట్లాడకూడదు.( మాస్క్ మనల్ని అంటు వ్యాధుల నుండే కాకుండా, బాక్టీరియా వ్యాధుల నుండి, పొల్లూషన్ అలర్జీల నుండి కూడా కాపాడుతుంది), రోజూ చేతులు సబ్బుతో శుభ్రంగా కడుక్కోవటం, సానిటైజర్ తో తుడుచుకోవడం, సామాజిక దూరం పాటించండం తప్పనిసరి చేసుకోవాలి. వీటికి మనం అలవాటు పడిపోతే, ఇవి మనకి కొత్తగా కనబడవు. విసుగు అనిపించదు.  

Images Credit: To those who took the original photos.

************************************************************************************************

ఇవికూడా చదవండి:

వాయు కాలుష్యాన్ని నియంత్రించడానికి...PART-2(ఆసక్తి)

మారువేషంలో సెల్ ఫోన్ టవర్లు(ఆసక్తి)

********************************************************************************************************