10, సెప్టెంబర్ 2020, గురువారం

జీవన పోరాటం...(సీరియల్)...PART-11


                                                                           జీవన పోరాటం...(సీరియల్)                                                                                                                                                                    (PART-11) 

(అనుకున్న పనులను చేసి ముగించటంలో నీచులు కూడా ఆకాశ దేవతలకు సమం.  కానీ, దేవతలు మంచి దొవలను ఎన్నుకుని పనులు ముగిస్తారు. నీచులు దుర్మార్గమైన దోవలను ఎన్నుకుని తమ పనులు ముగించుకుంటారు)

ఇంటి సమస్యలలో అనవసరంగా తల దూర్చి అవస్త పడుతున్న గాయత్రిని ఇంకొక వ్యాధి కూడా పట్టి పీడించింది. అల్లోపతి, హోమియోపతి, ఆయుర్వేదం, యునానీ, న్యాచురోపతి అని ఏ చికిత్సా విధానంలోనూ ప్రపంచంలోనే ఆ రోగానికి నివారణే లేదు. ఆ రోగం ఆమెను పట్టుకుంది. దాని పేరే 'ప్రేమ’.

తనతో చదువుకుంటున్న నవీన్ మీద ప్రేమ ఎలా ఏర్పడిందో ఆమెకే తెలియనప్పుడు మనకు మాత్రం ఎలా తెలుస్తుంది?

అందులోనూ ఇది 'చూసిన వెంటనే' ఏర్పడిన ప్రేమ కాదు. గడిచిన మూడు ఏళ్ళుగా ఒకే క్లాసులో చదువుతూ వస్తున్నా, ఇంత వరకు నవీన్ మీద ఆమెకు రాని ప్రేమ భావం ఇప్పుడు ఎలా వచ్చింది?  

తిరిగి సమాధానం చెప్పలేని ఒక ప్రశ్న.

ఒకవేల ఇంట్లో అందరి మీదా ఏర్పడి పెరుగుతూ వస్తున్న ఏవగింపుకు దారి వెతకటం వలన ఏర్పడిందో?

ఉండొచ్చు! ఎందుకంటే ఇంట్లోని బాంధవ్యాల మధ్య మాటలు తగ్గటం వలన.... నవీన్ తో బాగా దగ్గర అయ్యుంటుంది.

ఇంట్లోని పెద్ద వాళ్ళు పిల్లలను పట్టించుకోకుండా పోవటం వలన వాళ్ళ మధ్య ఏర్పడే దూరం ఎక్కువ అయ్యే కొద్దీ ఇంకొకరి మీద ప్రేమ ఏర్పడి అది వాళ్ళను తీవ్రంగా తన వసం చేసుకుంటుంది. పిల్లల ప్రేమ వ్యవహారం ఇంట్లోని పెద్దవాల్లకు తెలిసిన తరువాత వాళ్ళు పిల్లల మీద చూపించే జాగ్రత్తను దానికి ముందే చూపించి ఉంటే దేశంలో ప్రేమ పేరుతో జరుగుతున్న  పలు ఆత్మహత్యలనూ, హత్యలనూ, ఇంకా మరికొన్ని విపరీతాలనూ తప్పించవచ్చు. కానీ, ఏం చేయగలం? పెద్దవాళ్ళు  అయినా  కూడా నిప్పును ముట్టుకుంటేనే కాలుతుందని కొందరికి ముట్టుకున్న తరువాతే తెలుస్తోంది?

మంగమ్మకు, తన తల్లి-తండ్రులకూ మధ్య ఉన్న అత్యంత సన్నిహిత బంధుత్వానికి కారణం ఏమిటి? వాళ్ల మధ్య ఏమిటి బంధుత్వం? ఇన్ని రోజులైనా దాని గురించి తెలుసుకోలేకపోయేమే నన్న ఆగ్రహం కూడా కవితను తన తల్లి -తండ్రులకు దూరం చేసింది.

కాబట్టే  ప్రేమ, ప్రేమికుడే ఇక తన లోకం అనుకుంది. ఆ తరువాత నవీన్ ను కలుసుకోవటానికి వచ్చినప్పుడు ఆమె చాలా ఉత్సాహంగా ఉన్నది.

"సార్ బాగా కుషీగా ఉన్నట్టు తెలుస్తోందే?"

"ఆకాశం నుండి దేవత దిగి వచ్చి 'ఐ లవ్ యూ' చెబితే ఎవరైనా కుషీగానే ఉంటారు"

"కానీ, ఆ దేవత దగ్గర నువ్వింకా నీ సమాధానం చెప్పలేదే?"

"చెప్పాలని ఆశగానే ఉన్నది...కానీ..."

"కానీ...ఏమిటి?"

"ఆమె చాలా ఎత్తులో ఉన్నది. నేను నేల మీద ఉన్నాను. నేను ఎలా ఆమెను...?"

"ఇదేనా 'మ్యాటరు?' ....చాలా 'సింపుల్, కిందకు దిగిరా అని చెబితే వచ్చేస్తుంది"

"వచ్చేస్తుంది. కానీ...అమ్మా, నాన్నా, బంధువులు....?"

"హలో...ఆమె పద్దెనిమిదేళ్ళు నిండిన మేజర్!  ఏదైనా స్వయంగా ఆలొచించగల వయసు అమెకు వచ్చి చాలా సంవత్సరాలైయ్యింది. ఆమె యొక్క నిర్ణయాన్ని ఇంకెవరూ మార్చలేరు"

ఇదే కదా అతను ఎదురు చూశాడు.

మా ఇల్లు  మీ ఇల్లు  లాగా బంగళా కాదు. మీ ఇంట్లో ఉన్నట్లు మా ఇంట్లో అన్ని వసతులు లేవు...."

"ఆపు నవీన్. నీ వసతులు చూసి ప్రేమించలేదు. నిన్ను మాత్రమే ప్రేమిస్తున్నాను. బంగళానూ, వసతులూనూ నాకు ఏమీ ఇవ్వలేదు. నాకు కావలసినదంతా నీ స్నేహమూ, ఆదరణ మాత్రమే. వీటికొసం నేను ఎంత ఎదురు చూస్తున్నానో తెలుసా...?"

గాయిత్రి మాట్లాడుకుంటూ వెడుతుంటే, తన గురించి గాయిత్రి పూర్తిగా తెలుసుకుంటే ఏం జరుగుతుంది అని ఆలొచించాడు. 'తాలి కట్టిన తరువాత ఆమె నన్ను ఏమీ చేయలేదు అనుకుంటూ తన పాత ఆలొచనను వెంటనే నిర్లక్ష్యం చేశాడు.

"ఏయ్ నవీన్...నేనిక్కడ పరితపిస్తుంటే...నువ్వేంటి వేరే ఆలొచనలో ఉన్నావు?" అని అతన్ని కదిలించిది.

"మనం ఈజీగా పెళ్ళిచేసుకోవచ్చు. కానీ, ఆ తరువాత నిన్ను మా ఇంటికి  తీసుకువెళ్ళాలే? మా అమ్మా-నాన్నలు నిన్ను అమోదించాలే? అది తలుచుకుంటేనే భయంగా ఉంది"  అన్నాడు నవీన్.

"వాళ్ళు అమోదించకపోతే ఏమిట్రా? మన పెళ్ళి లోపల నా 'బ్యాంకు బాలన్స్ పెంచేస్తాను. వచ్చేటప్పుడు సాధ్యమైనంతవరకు నగలు తీసుకు వస్తాను. ఇంతకంటే ఏం కావాల్రా? మనం హాయిగా  జీవితాన్ని ప్రారంభిద్దాం. అంతలో నువ్వొక ఉద్యోగం వెతుక్కోలేవా? కావాలంటే నేను కూడా ఉద్యోగానికి వెలతాన్రా. ఎప్పుడూ మన సంతోషమేరా ముఖ్యం"

"సరే గాయిత్రి...ఎందుకైనా మంచిది నేను మా అమ్మతో మాట్లాడతాను"

ఎడతెరిపి లేకుండా ప్రేమ భాషతో అతనికి ఆనుకుని కూర్చుంది.

పార్కూ, బజారు వీధి, సినిమా హాళ్ళు, రెస్టారెంటులు అంటూ ఒక్క చోటును కూడా వదిలిపెట్టకుండా తిరుగుతూ ప్రేమను అభివ్రుద్ది చేశారు. కాలేజీ క్యాంపస్ కూడా వాళ్ళకు స్వర్గంగా మారింది. నేరుగా కలుసుకోలేపోయిన సమయాలలో సెల్ ఫోన్,  అంతర్జాలం వాళ్ళకు సహాయపడింది.

ఇప్పుడంతా గాయిత్రి చదువు మీద పూర్తి శ్రద్ద పెట్టలేకపోయింది. చదువు ముగియబోయే సమయం కాబట్టి...పెద్ద బాధింపు ఏర్పడలేదు.

ఇప్పుడు నవీన్ గురించి మీకు కొంచమైనా చెప్పే తీరాలి.

మీరు అనుకుంటున్నట్టు అతనేమీ అంత మంచివాడు కాదు. ఇంట్లో బంధుత్వాలలో ఏర్పడిన ఘర్షణ, పగుళ్ళ వలనే గాయిత్రి నవీన్ ని ఆశ్రయించింది.  అతన్ని ఆశ్రయించడమే ఆమెను మరింత వేదనకు గురి చేస్తుందని ఆమె అర్ధం చేసుకోనుంటే, ఖచ్చితంగా నవీన్ ఉన్న వైపుకు వెళ్లేదే కాదు.  

గాయిత్రి ప్రేమను అంగీకరించటంలో ఉండే సాధక బాధకాలను జల్లించి పరిశోధించాడు నవీన్. ఇంతవరకు అమ్మాయలను ప్రేమించడంలో అతని దారి, వేరే దారిగానే ఉన్నది. ప్రేమించటం, అనుభవించటం, వదిలేయటం...ఇవే అతను ఎన్నుకున్న విధానం. 

అత్యంత వివేకంగా నడుచుకున్నాడు. ఏదైనా సమస్యలో తప్పించుకోలేనంతగా ఇరుక్కుంటే...అతని పరిస్థితి ఇంతే సంగతులే?

కానీ, గాయిత్రి ప్రేమ విషయంలో నవీన్ అతని రెగ్యులర్ విధానాన్ని అనుసరించ దలుచుకోలేదు! 'అది బంగారు గుడ్డు పెట్టే బాతు. ఆ బాతును కోసుకు తినడం మూర్ఖత్వం అవుతుంది...'అని అర్ధం చేసుకున్నాడు.  కల్పితాలకు కూడా దొరకనంత ఆస్తిపరురాలు. ఆమెను పెళ్ళిచేసుకుంటే, కొట్లకొలది ఆస్తికి అధిపతి అవుతాడు. దాని తరువాత తన ఇష్టం వచ్చినట్టు బ్రతకొచ్చు. అందువలన గాయిత్రి ప్రేమను  అంగీకరించి జీవితంలో 'సెటిల్ అయిపోదాం అని ఆలొచించాడు.

ఆమె ఇంట్లో ఈ ప్రేమను ఖచ్చితంగా అంగీకరించరు. వాళ్లను ఎలా ఒప్పించాలి?

నవీన్ కు అతనిలాగానే గుణం కలిగిన కొందరు స్నేహితులు ఉన్నారు. వాళ్ళను కలిసి సలహా అడిగాడు.

"బంగారు నిధి దొరికినప్పుడు దాన్ని తీసుకుందామా...వద్దా అని ఆలొచించే ఒకే ఒక మేధావి నువ్వొక్కడివే ఉంటావు" అని వాళ్ళు హేలన చేశారు.

"గుప్త నిధీ కావాలి, కానీ దానికోసం ఎక్కువ శ్రమ పడకూడదు. దానికి దారి చెప్పండిరా "

"చాలా 'ఈజీ' రా! గాయిత్రిని వాళ్ళింట్లో వాళ్ళకు తెలియకుండా పెళ్ళి చేసేసుకో"

"దానికి గాయిత్రి ఒప్పుకోవాలి కదరా?"

"ఒప్పించురా. దాంట్లో నీ మొత్త నైపుణ్యం చూపంచు"

"ఇప్పుడే చదువు పూర్తి అయింది. కొద్దిగా 'అరియర్స్ కూడా ఉంది. పెళ్ళి చేసుకుంటే దాని తరువాత ఖర్చులకు ఏం చేయనురా?"

"మావా...చదువు, అరియర్స్, అన్నీ తీసి అవతలపారేయ్. గాయిత్రి వలన రాబోయే ఆస్తికి ఎన్ని సున్నాలుంటాయో అమ్మకు వేసి చూపించు. ఆ తరువాత వాళ్ళు కూడా నీ దారిలోకి వస్తారు. వెళ్ళి ఎంజాయ్ చేయరా"

అంతే...ముగ్గురూ కలిసి ఒక పథకం వేసేరు. దాన్ని అమలు పరిచే మార్గాలు గురుంచి తీవ్రంగా ఆలొచించారు. వాళ్ళు చెప్పే అన్నిటికీ తల ఊపినా అతని కోతి  మనసు  మాత్రం 'డబ్బు, డబ్బు, మనీ, మనీ' అని ఆటలాడుతోంది!

                                                                                           Continued-PART-12

**************************************************************************************************************

కామెంట్‌లు లేవు:

కామెంట్‌ను పోస్ట్ చేయండి