జీవన పోరాటం...(సీరియల్) (PART-12)
(రాబోవు కష్టం, పొందబోయే ఫలితం, దొరకబోయే
లాభం గురించి బాగా ఆలొచించిన తరువాతే ఏ కార్యాన్నైనా మొదలుపెట్టాలి)
ఎంత ప్రయత్నించినా సత్యపాల్ పైన ఏ
నేరమూ, ఏ తప్పూ కనుక్కోలేకపొయింది గాయిత్రి. కంపనీ
లాభ-నష్టాల లెక్కల పట్టీని ప్రతి రోజూ ఆమె పర్యవేక్షణకు పంప బడ్డది.
బ్యాంకు అకౌంట్ ఇద్దరి పేరు మీద 'జాయింట్ అకౌంట్' గానే ఉన్నది. చెక్కులలోనూ ఇద్దరూ సంతకం పెట్టాలి. ఒడంబడికల
లాంటివి గాయిత్రి చూసిన తరువాతే వాటి మీద తుది నిర్ణయం తీసుకుంటారు. రోజు వారి
కూలీలకు ఇవ్వాల్సిన డబ్బు...బ్యాంకు లోనించి తీసిన డబ్బుకు సరిపోవాలి. ఎన్ని
ప్రయత్నాలు చేసినా ఏ లెక్కలోనూ, ఏ చోటా చిన్న తప్పు
దొరకలేదు గాయిత్రికి.
కానీ ఒక విషయాన్ని మాత్రం గాయిత్రి
జీర్ణించుకోలేకపోయింది. ఎవరికైనా ఏదైనా పని చెబితే ఆమె దగ్గర చాలా మర్యాదగా
చేయలేమని చెబుతూ సత్యపాల్ వైపు చేయి చూపిస్తారు.
'సత్యపాల్... సత్యపాల్...ఏది చెప్పినా, ఏది చేయమన్నా సత్యపాల్. అలాగైతే ఇక్కడ గాయిత్రి
సంతకాలు పెట్టే ఒక యంత్రమా?' అని మనసులోనే మండిపడింది.
'దీన్ని నాన్న దగ్గర చెబుదామా?' అని అనుకున్న గాయిత్రి వెంటనే ఆ ఆలొచనను మార్చుకుంది. ‘సత్యపాల్ ని’ రెడ్ హ్యాండడ్ గా పట్టుకుని ఆయన ముందు నిలబెట్టి, ఆయన అతనిపై పెట్టుకున్న నమ్మకాన్ని పటాపంచలు చేయాలి.
ఆ తరువాత వెంటనే తల్లినీ- కొడుకునూ ఇంట్లోంచి తరిమేయాలి. అంతవరకు ఓర్పుగా ఉండి
అతన్ని గమనిస్తూ ఉండాలి’ అని నిర్ణయించుకుంది.
ఆ ఒర్పును పరీక్షించే విధంగా ఒక సంఘటన
తొందరలోనే జరిగింది. తనకి, సత్యపాల్ కి కలిపి ఒక 'పర్సనల్ సెక్రెటరీ' ని నియమించాలని సత్యపాల్ నిర్ణయం తీసుకున్నాడు. అది
అవసరమే నని గాయిత్రి కూడా అనుకున్నది. ఒక
అమ్మాయి తనకు 'సెక్రెటరీ' గా వస్తే, ఆమె దగ్గర నుండి కావలసిన వార్తలను తెలివిగా మాట్లాడి పిండేయాలి
అని మనసులోనే లెక్క వేసుకుంది.
దాని గురించిన ప్రకటన వచ్చినప్పుడు, చాలా మంది దరఖాస్తు పెట్టారు. వాటన్నిటినీ పరిశీలించి, అందులో ఇద్దర్ని 'సెలెక్ట్' చేసింది. వాళ్ళు బాగా
చదువుకున్న వారూ, ఆ ఉద్యోగం లో బాగా అనుభవం
ఉన్న వాళ్ళే. దానికి తగినట్లే జీతం కూడా ఎదురు చూశారు.
సత్యపాల్ 'సెలెక్ట్' చేసిన వాళ్లలో అందరూ మామూలు పట్ట బద్రులు గానూ, అనుభవం లేని వాళ్ళు, ఇచ్చే జీతం తీసుకునే వాళ్ళుగా ఉన్నారు.
అతని సెలెక్షన్ ఆమెకు నచ్చలేదు. కడుపు
మంటతో రగిలిపోయింది. ఓర్పు వహించింది. 'సరే, రానీ. పర్సనల్ ఇంటర్ వ్యూ
లో చూసుకుందాం' అనుకుని వదిలేసింది.
పర్సనల్ ఇంటర్ వ్యూ వచ్చింది.
పిలవబడ్డ నలుగురూ వచ్చారు. చివర్లో గాయిత్రి ఒకమ్మాయిని, సత్యపాల్ మరొక అమ్మాయిని 'సెలెక్ట్' చేశారు.
చెల్లెలు 'సెలెక్ట్' చేసిన స్టెల్లా, ఆంగ్లో ఇండియన్ అమ్మాయి. దానికి తగినట్లు
నడక-దుస్తులు-భావాలు. సరళమైన ఆంగ్ల భాష. కొన్ని కంపెనీ లలో పనిచేసిన అనుభవం.
అడిగినంత జీతం ఇస్తే వెంటనే ఉద్యొగంలో చేరిపోతుంది. గాయిత్రికి ఆమె బాగా నచ్చింది.
సత్యపాల్ వసంత అనే అమ్మాయిని సెలెక్ట్
చేశాడు. ప్రభుత్వ ఉద్యోగంలో పనిచేస్తున్న ఆమె తండ్రి హార్ట్ అటాక్ తో మరణించారు.
డిగ్రీ చదువుతున్న ఆ అమ్మాయి చదువు ఆపేసింది. అంతవరకు ఫ్యామిలీ హెడ్ గా ఉండే తల్లి
ఇప్పుడు అనారోగ్యంతో బాధపడుతోంది. వచ్చే పెన్షన్ లో సగం డబ్బు తల్లి చికిత్సకు
ఖర్చు అవటం వలన ఆమెకు ఉద్యోగం అవసరం. చేతకాని ఉద్యోగంలో నేర్చుకోవడానికి, ఇచ్చే జీతానికి ఉద్యోగంలో జేరటానికి రెడీగా ఉన్నది.
ఈ ఎంపికలో తాను ఎంపిక చేసిన
క్యాండిడేట్ ను వదులుకోవటానికి గాయిత్రి ఒప్పుకోలేదు. సత్యపాల్ కూడా తన ఎంపిక
చేసిన క్యాండిడేట్ ను వదులుకోదలుచుకోలేదు.
ఈ అభిప్రాయ భేదం...ఇంట్లో అందరి ముందు
వాదనగా మారింది.
"పని చేయించుకోవటం కొసమే కదా
నువ్వు మనుషులను తీసుకుంటున్నావు?"
సత్యపాల్ మౌనంగా ఉంటూ చిన్నగా నవ్వాడు.
ఎప్పుడూ గాయిత్రి కోసం త్యాగం చేసే సత్యపాల్, ఈ విషయంలో మాత్రం పట్టుదలగా ఉండటం చూసిన పరంధామయ్య , వెంటనే వసంతను ఎంపిక చేశారు. కానీ, దానిని బయటకు చెప్పకుండా....'వాదన ముగింపుకు రానీ' అని కాచుకొని ఉన్నారు.
"ఆమెకు ఇంగ్లీష్ భాష సరళంగా మాట్లాడటం
తెలియటం లేదు"
"ఆంధ్ర దేశంలో ఉంటూ ఇంగ్లీష్ భాష
మాట్లాడటం తెలియటం లేదు అనేది ఒక అర్హత తక్కువ అని ఆలొచించటం పెద్ద అవమానం. రెండు, మూడు నెలలు స్పోకన్ ఇంగ్లీష్ కోచింగ్ క్లాసులకు
వెళ్ళిందంటే అమె కూడా ఇంగ్లీష్ లో సరళంగా మాట్లాడేస్తుంది"
"డిగ్రీ ముగించిన ఆమె తిన్నగా
పనికి వస్తే ఏం పని చేస్తుంది?"
"పుట్టేటప్పుడే ఎవరూ అనుభవంతో పుట్టరు! నేర్చుకోవాలనే ఉత్కంఠ
ఉంటే...ఎవరైనా, ఏ పనినైనా సులభంగా
నేర్చుకోవచ్చు. స్టెల్లా కూడా తన మొదటి కంపెనీలో అనుభవం లేకుండానే
జేరుంటుంది"
అన్ని ప్రశ్నలకూ సత్యపాల్ వెంట వెంటనే
సరైన సమాధానం చెప్పటం, తనకు ఆదరణగా ఎవరూ మాట్లాడక పోవడంతో, కొపం తలకెక్కిన గాయిత్రి ఒక అబద్దమైన ప్రశ్న వేసింది.
“ఇంతలా ఆమెను సమర్ధించి
మాట్లాడుతున్నావే...ఆమె నీకేమైనా చుట్టమా?”
ఎటువంటి సంకోచమూ లేకుండా సత్యపాల్
సమాధానం చెప్పాడు: "స్టెల్లా నీకు చుట్టమైతే, వసంత నాకు చుట్టమే"
కోపం తట్టుకోలేక చెల్లెలు గాయిత్రి
అరిచింది, "నా...న్నా"
ఆమె కోపాన్ని నిర్లక్ష్య పరచిన పరంధామయ్య, " గాయిత్రీ...నీకు ఇంతకు ముందే చెప్పేను. 'కంపెనీ విషయాలలో సత్యపాల్ తో గొడవపడొద్దు అని!
వ్యాపారంలో అతను తీసుకునే నిర్ణయమే నా నిర్ణయం. ఈ కంపెనీని మొదలు పెట్టిన వెంటనే
హైదరాబాదులో మిగిలిన కంపెనీలతో పోటీ పడేంత ఎత్తుకు కంపెనీని పెంచింది అతనే. అతని
నిర్ణయాలు ఏ రోజూ తప్పైందే లేదు. అదేలాగా ఈ నిర్ణయం కూడా కరెక్టుగానే ఉంటుంది.
కాబట్టి నా ఎంపిక కూడా వసంతే "
ఆయన నిర్ణయం స్పష్టంగా ఉన్నది.
"ఈ ఇంట్లో నా కోసం ఎవరూ లేరు.
సొంత ఇంట్లోనే నేనొక అనాధను" అని అరుచుకుంటూ కోపంగా, ఏడుస్తూ తన గదివైపు పరిగెత్తింది.
మహిళలిద్దరూ, " గాయిత్రి... గాయిత్రి " అని
బ్రతిమిలాడుతూ గాయిత్రి వెనుకే పరిగెత్తేరు. కానీ, గాయిత్రి వాళ్ళ మొహం మీద కొట్టేటట్టు గది తలుపులను
లోపల నుండి గట్టిగా తోసి తాళం వేసుకుంది.
పరంధామయ్య అంతకు మించి ఏమీ
మాట్లాడకుండా తన గదిలోకి వెళ్ళిపోయారు.
మంగమ్మ వెనక్కి తిరిగి వచ్చి, “ఏందుకురా ఈ రోజు అంత పట్టుదల
పడుతున్నావు? ఈ విషయంలో గాయిత్రి కోసం
వదిలిపెడితే నువ్వేమన్నా తగ్గిపోతావా?" అని అడిగింది...కొడుకు దగ్గర.
"అమ్మా, నేను ఏది చేసినా కంపెనీ మంచికోసమే చేస్తాను. నన్ను
నమ్ము..."" అని చెప్పేసి అతనూ తన గదికి వెళ్ళిపోయాడు.
'వీడు చెబుతున్న అమ్మాయిని పనిలో చేర్చుకుంటే కంపనీకి ఏమిటంత
పెద్ద మంచి జరుగుతుంది?' అని ఇద్దరూ గందరగోళ పడ్డా, సత్యపాల్ పైన వాళ్ళకున్న అపారమైన నమ్మకం కొంచం కూడా
తగ్గలేదు!
Continued...PART-13
వీటిని కూడా చదవండి:
**************************************************************************************************************
కామెంట్‌లు లేవు:
కామెంట్‌ను పోస్ట్ చేయండి