మరవటం మర్చిపోయాను...(సీరియల్)...(PART-2)

 

                                                                      మరవటం మర్చిపోయాను...(సీరియల్)                                                                                                                                                         (PART-2)

రోహిణీ -- పేరులో ఉన్న వేడి ఆమె అందంలో లేదు. అయినా కానీ, ఏదో ఒక అర్ధం కాని గ్లామర్ ఆమె దగ్గర చాలా ఎక్కువగా ఉంది. రక్తాన్ని వేడెక్కించే ఆమె చూపులు, పండిపోయున్న ఆమె ఎర్రటి లావుపాటి పెదవులు, అనగని ఆమె పెద్ద ఛాతి ఆమె నవ్వును గ్లామర్ చేసి పిచ్చెక్కిస్తున్నాయి. లేకుంటే రోహిణీ సాధారణ అందగత్తే!

శ్యామ్ -- చూడగానే వశీకరణ చేసుకునే అందగాడు. నల్లటి జుట్టు, బొద్దు మీసాలు, మెరుపు నవ్వు, ప్రేమ ముఖం, కవిత్వ హృదయం, ఛాతిలో రోమాల అడవి. ‘సిక్స్ ప్యాక్’ శరీరం. ఉట్టిపడే మగతనం.

తరువాత వచ్చిన రోజులలో శ్యామ్ నోటిలోని జొల్లు స్రవించు గ్రంధులు ఎక్కువసేపు పనిచేసి రోహిణీని చూసి విపరీతమైన జొల్లును ఉత్పత్తి చేస్తోంది.

ఏ మగాడి కళ్ళకు ఏ ఆడది అందంగా కనబడుతుంది అనేది, ఆ మగాడు ఆ ఆడదాన్ని చూసే ధోరణిలో ఉంటుంది.

శ్యామ్, రోహిణీని చాలా దగ్గరగా చూశాడు. అతని కంటికి రోహిణీ ప్రపంచ సుందరి.

మొదటి చూపులోనే అతను ఆమె ప్రేమలో పడ్డాడు.

ఆమె తనకోసమే పుట్టింది అని ఇనుప కడ్డీలాగా గట్టి నమ్మకంతో ఉన్నాడు.

తన సెల్ ఫోన్ రింగ్ టోన్ ను ‘నేను మాట్లాడతాను ఇంకా, ఇంకా--భూలోకమే నా కాలు కింద’ అనే పాటకు మార్చాడు. ‘అడ్డదారిలోనైనా సరే డబ్బుగల వాడిగా అవ్వాలి’ అనే తన లక్ష్యంలో నుండి కూడా మారిపోయాడు.

‘రోహిణీని ప్రేమించాలి. ఆమెను ప్రేమలో పడేయాలి. ఇదే ఇక నా శాశ్వత లక్ష్యం. అది అతి పెద్ద సవాలుగా ఉండబోతుంది’ అని అనుకున్నాడు.

రోహిణీకి ఇలాంటి ప్రేమ విషయాలలో ఆసక్తో, ఆశో లేదు.

తల్లి-తండ్రీ చనిపోయిన తరువాత, ఆమె ఈ ప్రపంచంలో ఇష్టపడే విషయాలు రెండే రెండు.

ఒకటి, ఆమె నల్లని -- పొడవైన జడను. ఎంత కత్తిరించినా అది ఎంత సులభంగా పెరుగుతోంది? అనే ఆశ్చర్యం.

రెండోది, వేడి ‘గులాబ్ జామూన్’

ఇప్పుడు, శ్యామ్ చూసిన అపాయకరమైన ప్రేమ చూపులతో ఆమె మెదడులో ఒక హెచ్చరిక గంట, ఆగకుండా వినబడుతోంది.

‘ఇక అతనితో జాగ్రత్తగా ఉండాల్సిందే. ఇది పెద్ద సవాలుగా ఉండబోతుంది’ అని అనుకున్నది.

లోకంలో రెండే రకాల మగవాళ్ళు ఉన్నారు.

ఆడవారిని చూసి జొల్లు కార్చేవారు.

ఆడవారిని చూసి ఎక్కువ జొల్లు కార్చేవారు.

శ్యామ్ తన ఏడో తెలివిని కవ్వించి, రెండో ప్రపంచంలో రోహిణీ గురించిన మత్తులో  ఉన్నాడు.

‘ఇలాంటి ఒక అమ్మాయి తనకు దొరికితే...’--

‘దొరికితే? కాదు...దొరికింది!’

‘నన్ను ప్రేమించటానికి భగవంతుడే ఆమెను పంపించాడు’ అని అనుకున్నాడు.

'అది నిజం కాకపోతే, ఆ నగరంలో ఉన్న నలభై వేల ఆఫీసులలో, తొమ్మిది వేల భవనాలలో, అరకోటి తెలుగు జనాభాలో సరిగ్గా ఆమెకు తన ఆఫీసులో మాత్రమే ఉద్యోగం దొరికింది. ఎలా?’

ఆ అద్భుతాన్ని ఒకే ఒక మాటలోనే వివరించటం కుదురుతుంది.

విధి!

ఆపై వచ్చిన వారాలలో శ్యామ్ -రోహిణీ ఇద్దరికీ మధ్య జరిగిన గొడవ-ప్రేమ  సంఘటనల సంగ్రహం ఇదిగో!

                                                                                                                  Continued...PART-3

***************************************************************************************************