వియత్నాంలో సందర్శించాల్సిన స్థలాలు...(ఆసక్తి)

 

                                                          వియత్నాంలో సందర్శించాల్సిన స్థలాలు                                                                                                                                                            (ఆసక్తి)

గత రెండు శతాబ్దాలలో వియత్నాం అనుభవించిన తీవ్ర అల్లకల్లోలం తూర్పు ఆసియాలో ఏ దేశమూ అనుభవించలేదు. తూర్పు ఆసియా ఖండం యొక్క ఆగ్నేయ కొనపై ఉన్న ఈ దేశం 1950 లలో మాత్రమే ఫ్రెంచ్ ఆక్రమణ నుండి విముక్తి పొందింది. ఆ తరువాత కొన్ని సంవత్సరాల తరువాత అమెరికన్ సైన్యానికి వ్యతిరేకంగా క్రూరమైన మరియు అపఖ్యాతి పాలైన వియత్నాం యుద్ధంలోకి ప్రవేశించింది. ఇది కమ్యూనిస్ట్ పాలన అధికారంలోకి రావడంతో ముగిసింది. దేశం మొత్తం క్లోజ్డ్ నియంతృత్వంగా మార్చింది. ఇవన్నీ జరిగినప్పటికీ, వియత్నాం దాని అరుదైన సహజ సౌందర్యాన్నీ, ప్రాచీన సంస్కృతిని మరియు దాని   ప్రామాణికమైన వారసత్వ లక్షణాన్ని కోల్పోలేదు. వివిధ యుద్ధాలు దీనికి మనోహరమైన చరిత్ర యొక్క కోణాన్ని జోడించాయి. నేడు ఈ దేశం ప్రపంచంలోని తూర్పు ఆసియా ప్రాంతంలో పెరుగుతున్న పర్యాటక కేంద్రంగా మారింది. ఇది పర్యాటకులకు మరియు ప్రయాణికులకు బహిరంగంగా  ఆహ్వానం పంపినట్లు ఉంటుంది. ఆ దేశ అరుదైన సహజ సౌందర్యాన్ని గురించి  వాటిని చిత్రాల ద్వారా చూసిన తర్వాత  ఆ దేశ సౌందర్యం ఎవరినైనా ఖచ్చితంగా ఆకట్టుకుంటుంది.

హా లాంగ్ బే

వియత్నాం యొక్క వాయువ్య కొన వద్ద, మనసును ఆకట్టుకునే, నమ్మశక్యం కాని ప్రకృతి యొక్క అందమైన రత్నం దాగి ఉంది.  ఆకుపచ్చ హా లాంగ్ బే ప్రాంతం క్రిస్టల్-స్పష్టమైన జలాలతో, సముద్రం నుండి పైకి లేచిన భారీ రాతి శిఖరాలతో, అద్భుతంగానూ మరియు అందంగానూ ఉంటుంది. దాని అందానికి ఈ ప్రదేశం ప్రపంచం నుండి ప్రశంసలు అందుకుంది. నిజానికి ఇది ఒక చిన్న స్వర్గం ముక్క. ఇది ఏడు ప్రపంచ సహజ అద్భుతాల జాబితాలో కూడా చోటు సంపాదించింది. ఈ అద్భుతమైన ప్రాంతాన్ని సందర్శించడానికి మాత్రమే వియత్నాం రావాలనుకున్న అది విలువైనదే. ఇక్కడ పర్యాటకులు గల్ఫ్ ద్వీపాల మధ్య మాయా విహారయాత్ర చెయ్యచ్చు లేదా ఆ ప్రాంతం చుట్టూ చెల్లాచెదురుగా ఉన్న హోటళ్లలో ఒకదానిలో ఆనందంగా గడపవచ్చు.

హనోయి

వియత్నాం యొక్క శక్తివంతమైన ఈ రాజధాని యొక్క ప్రాముఖ్యత ఏమిటంటే పాత మరియు క్రొత్త, విలాసవంతమైన మరియు సరళత, ఫ్రెంచ్ పాలన కాలం నుండి ప్రామాణికమైన తూర్పు ఆసియా మూలాంశాల వరకు వలసవాద మూలాంశాలను కలిగిన నగరం. హనోయి నగరాన్ని బాగా తెలుసుకోవాలంటే  ఉత్తమమైన పద్దతి, నగరం యొక్క పురాతన మరియు మధ్య భాగానికి ఒక సాయంత్రం షికారు చేయాలట.  అక్కడ కీమ్ సరస్సు మరియు దాని చుట్టూ ఉన్న విస్తృతమైన వినోద ప్రదేశం, అలాగే సరస్సు నడిబొడ్డున ఒక చిన్న ద్వీపంలో ఉన్న ప్రత్యేకమైన ఎన్గోక్ శాన్ టెంపుల్ ను చూడాలట.

హో చి మిన్ సిటీ

వియత్నాం దక్షిణ భాగం యొక్క రాజధాని - దాని చారిత్రక పేరు సైగాన్. బాగా ప్రసిద్ది చెందింది. ఈ నగరం ఆ దేశ ఆర్థిక కేంద్రంగా పరిగణించబడుతుంది - ఆకర్షణలతో నిండిన ఒక బిజీ నగరం, దాని పాత్ర మరియు ఆ దేశ వారసత్వం గురించి చాలా నేర్పుతుంది. నగరంలోని రెండు ప్రధాన ప్రదేశా‌లను సందర్శించడం ద్వారా పర్యాటకులు కొత్త అనుభూతి చెందుతారు: యూనియన్ ప్యాలెస్ మరియు వార్ అవశేషాల మ్యూజియం. ఇక్కడ పర్యాటకులు వియత్నాం యుద్ధ చరిత్ర మరియు యుద్దం వలన ఏర్పడిన మచ్చల గురించి తెలుసుకోవచ్చు. అదే సమయంలో, మారియమ్మన్ హిందూ దేవాలయం లేదా నగరం యొక్క నోట్రే డేమ్ కేథడ్రల్ సందర్శన నుండి, పర్యాటకులు నగరంలో ఉన్న సాంస్కృతిక గొప్పతనాన్ని మరియు మతపరమైన అంగీకారాన్ని పరిచయం చేసుకుంటారు.

టే నిన్హ్ హోలీ సీ

'కావో దై' 1920 లలో వియత్నాంలో స్థాపించబడిన ఒక ప్రత్యేకమైన మతం. ఇప్పుడు ఈ మతంలో 5 మిలియన్ల  మంది పైన విశ్వాసులు ఉన్నారు. హో చి మిన్ సిటీ నుండి 90 కిలోమీటర్ల దూరంలో ఉన్నది టే నిన్హ్ హోలీ సీ ఆలయం. సాధారణ ప్రజలకు తెరిచే ఉంచబడే ఈ రంగురంగుల మత కేంద్రాన్ని పర్యాటకులు సందర్శించినప్పుడు, ఇక్కడ బౌద్ధమతం, ఇస్లాం మరియు క్రైస్తవ మతాన్ని మిళితం చేసే ఈ 'కావో దై' మతాన్ని వివరించే వివిధ మూలాంశాలను చూడవచ్చు మరియు  అసాధారణమైన సాక్ష్యాలను కూడా చూడవచ్చు. ప్రామాణికమైన సంగీత వాయిద్యాలను కలిగి ఉన్న దాని విశ్వాసుల ప్రార్థన సేవలను కూడా చూడవచ్చు.

కు చి టన్నెల్స్

వియత్నాం యుద్ధం గురించి జ్ఞానాన్ని వృద్ధి చేసుకోవాలనుకుంటే, సైగోన్ (హో చి మిన్ సిటీ) నుండి 35 కిలోమీటర్ల దూరంలో, అడవి నడిబొడ్డున ఒక గ్రామీణ ప్రాంతంలో ఉన్న 'కు చి టన్నెల్' కు వెళ్ళాలి. ఈ ప్రాంతంలో, వియత్నాం సైన్యం యుద్ధం కోసం ఒక రహస్య స్థావరం ఏర్పరిచింది. అమెరికన్ సైన్యానికి వ్యతిరేకంగా పోరాడిన కమ్యూనిస్ట్ భూగర్భ యోధులు వియత్కాంగ్ ఈ స్థావరాన్ని ఉపయోగించారు. ఇక్కడ పర్యాటకులు వియత్నామీస్ యోధులు ఉపయోగించిన కొన్ని ఆయుధాలు మరియు ఉచ్చులను చూడవచ్చు. వాళ్ళకు ధైర్యం ఉంటే, వాళ్ళ 300 మీటర్ల పొడవున్న భూగర్భ సొరంగాల నెట్‌వర్క్‌లో కూడా క్రాల్ చేయవచ్చు.

హ్యూ

హ్యూ వియత్నాం యొక్క చారిత్రాత్మక మిత్రనగరం. ఇది 1802 మరియు 1945 మధ్య, న్గుయెన్ రాజవంశం ఆధిపత్యం వహించిన కాలంలో, రాష్ట్ర పరిపాలనా కేంద్రంగా పనిచేసింది. దీని ప్రకారం, నగరం యొక్క చారిత్రక కేంద్రమైన రాజధాని జిల్లాలో, వియత్నాం యొక్క అందమైన వాస్తుశిల్పం, ఫర్బిడెన్ పర్పుల్ సిటీ వంటి కొన్ని చారిత్రక కట్టడాలు మరియు అద్భుతాలు దేశంలోని గొప్ప మరియు మనోహరమైన చారిత్రక వారసత్వాన్ని కాపాడుతున్నాయి.

మెకాంగ్ నది డెల్టా

వియత్నాం యొక్క దక్షిణ కొన వద్ద మెకాంగ్ డెల్టా ఉంది. దాని నుండి మీకాంగ్ నది - ఆసియాలో అతిపెద్దది - సముద్రంలోకి ప్రవహిస్తుంది. ఇది ఈ దేశంలో చాలా మంది పర్యాటకులు చూడని ఒక ప్రత్యేకమైన గ్రామీణ ప్రాంతం. ఈ ప్రాంతంలో, పర్యాటకులు స్థానిక మరియు అసాధారణమైన జీవన విధానాన్ని తెలుసుకోగలుగుతారు. ఇది ఈ ముఖ్యమైన నీటి వనరుపై ఎక్కువగా ఆధారపడి ఉంటుంది. ఇక్కడ పర్యాటకులు కై రంగ్ యొక్క తేలియాడే మార్కెట్‌ను సందర్శించవచ్చు - అసాధారణమైన మార్కెట్, ఇక్కడ అన్ని వర్తకాలు నది నడిబొడ్డున పడవల్లో నిర్వహించబడతాయి. వాణిజ్య పడవల మధ్య  పర్యాటకులు పడవలో ఉదయం పర్యటన చేయగలిగితే వాళ్ళు ఇంతకు ముందు మరియూ మళ్లీ చూడని దృశ్యానికి సాక్ష్యమవుతారు.

Image Credits: To those who took the original photos.

****************************************************************************************************