పిడకల యుద్దం-వేల ఏళ్ల నాటి ప్రేమ కథ (ఆసక్తి)
భారతదేశం పండుగల
భూమి మరియు అవి గొప్పవి, రంగురంగులవి మరియు ఆహ్లాదకరమైనవి. ఈ ప్రపంచానికి వెలుపల జరిగే ఈవెంట్‌లను జరుపుకోవడానికి చాలా ప్రత్యేకమైన
ఆచారాలు, అద్భుతమైన అలంకరణలు, వివరణాత్మక
దుస్తులు మరియు వేలాది మంది వ్యక్తులు ఒక సంఘంగా కలిసి వస్తున్నారు. అయితే ఇక్కడ విషయాలు ముగియడం లేదు, ఈ ఈవెంట్‌లకు
జోడించబడే భారతదేశంలో ప్రత్యేకమైన ఆచారాలతో నిండిన సంచులు ఉన్నాయి. మంచి ఆరోగ్యం కోసం ఒక విచిత్రమైన వీధి పోరాటంలో గ్రామస్తులు ఒకరిపై ఒకరు
ఆవు పేడను విసురుకునే దక్షిణ భారతదేశం వైపు వెళ్దాం.
ఆంధ్రప్రదేశ్‌లోని కర్నూలు జిల్లా కైరుప్పల గ్రామ వాసులు 'పిడకల యుద్ధం' అనే పండుగను జరుపుకుంటారు. కన్నడ కొత్త సంవత్సరంతో పాటుగా ఇది మార్చి చివరిలో లేదా ఏప్రిల్ ప్రారంభంలో నిర్వహించబడుతుంది. ప్రతి సంవత్సరం దక్షిణ పట్టణంలో వార్షిక ఉత్సవం జరుగుతుంది మరియు గ్రామస్థులు గ్రామం చుట్టూ ఉన్న అనేక ఆవుల నుండి పేడను సేకరించి, ఆపై వేడుక కోసం వీరభద్ర స్వామి ఆలయం దగ్గర కుప్పలు వేస్తారు.
వీరభద్ర స్వామి
ఆలయంలో ప్రతి సంవత్సరం నిర్వహించే ఈ ఆచారం రాష్ట్రంలోని వివిధ ప్రాంతాల నుండి
వేలాది మందిని ఆకర్షిస్తుంది, వారు భవనాల పైన కూర్చుని గంటల తరబడి ఈ
కార్యక్రమాన్ని వీక్షిస్తారు. ఇలా చేయడం వల్ల గ్రామాలకు
ఆరోగ్యం, సౌభాగ్యం, వర్షాలు
కురుస్తాయని భక్తుల నమ్మకం.
కొన్ని వందల ఏళ్ల నుంచి ఈ సంప్రదాయం కొనసాగుతూనే ఉంది. శ్రీ భద్రకాళి దేవి, వీరభద్ర స్వామి ఆలయంలో దగ్గరలో ఈ యుద్ధం జరుగుతుంది. ఈ సమరం వెనక ఓ ప్రేమ కథ దాగి ఉంది. అందులో భాగంగానే.. ఈ ఆచారం కొనసాగుతూ వస్తుంది. ఇంతకీ ఆ ప్రేమ కథ ఏంటంటే..?
ఈ స్టోరీ
చెప్పాలంటే.. త్రేతాయుగంలోకి వెళ్లి రావాలి. భద్రకాళి దేవి, వీరభద్ర
స్వామి ప్రేమించుకుంటారు. పెళ్లి చేసుకోవాలని నిర్ణయించుకంటారు. అయితే .. పెళ్లి
విషయంపై వీరభద్ర స్వామివారు కాస్త ఆలస్యం చేస్తుంటారు. దీనిపై భద్రకాళి దేవి
భక్తులు ఆగ్రహం వ్యక్తం చేశారు. తమ దేవతను.. వీరభద్ర స్వామి మోసం చేస్తున్నట్టుగా
భావిస్తారు. ఎలాగైనా ప్రతీకారం తీర్చుకోవాలని అనుకుంటారు. వీరభద్ర స్వామిని
అవమానించాలని ప్లాన్ వేస్తారు. ఇందులో భాగంగానే.. పేడతో చేసిన పిడకలు ఆయనపైకి
విసిరేయాలనుకుంటారు.
ఈ విషయం ఇటువైపు వీరభద్ర స్వామి భక్తులకు తెలుస్తోంది. ఎట్టిపరిస్థితుల్లో భద్రకాళి అమ్మవారి ఆలయం వైపు వెళ్లొద్దని వేడుకుంటారు. ఎంతకు వినిపించుకోని స్వామి.. అటువైపుగా వెళ్తారు. వెంటనే అమ్మవారి భక్తులు.. పిడకలను స్వామివారిపైకి విసిరేస్తారు. ఈ విషయం తెలిసిన వీరభద్ర స్వామి భక్తులు కూడా.. పిడకలను అమ్మవారి భక్తుల మీదకు విసిరేస్తారు. దీంతో అక్కడ పెద్ద యుద్ధమే జరగుతుంది. ఇరు వర్గాల వారు.. ఇలా పిడకల సమరం కొనసాగిస్తారు.
అయితే ఈ విషయం కాస్త.. బ్రహ్మదేవుడికి తెలుస్తుంది. వెంటనే వచ్చి.. సమరం ఆపేలా చేస్తారు. దెబ్బ తగిలినవారు.. భద్రకాళి దేవి ఆలయం, వీరభద్ర స్వామి ఆలయానికి వెళ్లి.. వీభూతిని రాసుకోవాలని ఆదేశిస్తాడు. ఆ తర్వాత.. ఇద్దరి విగ్రహాలను ఒకే ఆలయంలో పెట్టి.. కల్యాణం జరిపిస్తానని.. బ్రహ్మదేవుడు మాట ఇచ్చినట్టుగా చరిత్ర ఉంది. అదే సమయంలో పూజలు చేసేందుకు.. కైరుప్పల గ్రామం పక్కన ఉన్న కారుమంచి గ్రామంలోని ఓ రెడ్ల కుటుంబానికి బాధ్యతలు అప్పగిస్తారు.
ఇక అప్పటి నుంచి ఈ సంప్రదాయం కొనసాగుతూనే ఉంది. పిడకల సమరంలో దెబ్బలతగిలిన
వారు ఆలయానికి వెళ్లి స్వామి వార్లకు నమస్కారం చేసుకుంటారు. సమరం ముగిసిన తర్వాత..
వీభూతిని దెబ్బలు తగిలిన చోట రాసుకుంటారు. చాలా ఏళ్లుగా.. ఈ పిడకల సమరం జరుగుతూనే
ఉంది. ఆ తర్వాతి రోజున భద్రకాళి అమ్మవారికి, వీరభద్ర స్వామి వారికి కళ్యాణం
చేస్తారు.
Images
Credit: To those who took the original photos.
***************************************************************************************************
కామెంట్‌లు లేవు:
కామెంట్‌ను పోస్ట్ చేయండి